28 अगस्त 2016

बूझे बिरला कोय


                                    अब मेरी रांम कहैगी बलईया । जामंण मरंण दोउ डर गईया ? 
                                    ज्यौं उधरी कूं दे सरवांनां । राम भगति मेरा मन मांनां ।
                                    मै बपवा राम पूत हमारा । मैं बहनेउ रांम मोरा सारा ।
                                    कहै कबीर सकल जग मूठा । राम कहै सोई जन झूठा ?


                                                    रांम मोहि तारि कहां लै जैहौ ?
                                           सो बैकुंठ कहौ है कैसा ? करि पसाव मोहि देहौ । 
                                      जे मेरे जिय दोइ जांणत हौ ? तौ मोहि मुंक्ति बतावो ।
                                        एकमेक रमि रह्या सबनि मैं । तौ काहे भरमावो ।
                                      तारंण तिरंण जबै लग कहिये । तब लग तत न जांणां ?
                                         ऐक रांम देष्या सबहिन मैं । कहि कबीर मन मांना ।


                                                  अब में पाइबो रे पाइबो ब्रंह्म गियान ।
                                            सहज समाधें सुष में रहिबो । कोटि कलप बिश्रांम । 
                                            गुरु क्रंपाल क्रपा जब कींनी । हिरदे कवल बिगासा । (बिगासा = विकसित)
                                         भागा तिमर दसों दिसि सूझया । परम जोति परकासा ।
                                           म्रितक उठ्या धनक कर लीये ? काल अहेरी भागा । (अहेरी = शिकारी)
                                         उदया सूर निसि किया पयानां । सोवत ते जब जागा ।
                                       अबिगति अकल अनूपम देष्या । कहतां कह्या न जाइ ।
                                              सेंन करे मनहीं मन हसै । गुंगे जांनि मिठाइ ।
                                         पहुप बिनां येक तरवर फलिया । बिन कर तूर बजाया ।
                                              नारी बिनां नीर घट भरिया ? सहज रुप सों पाया ।
                                             देषत काच भया तन कंचन । बिन बांनी मन माना ?
                                           उड्या बिहंगम षोज न पाया ? ज्यूं जल जलहि समानां ।
                                             पूज्या देव बहुरि नहि पूजो । न्हाये उदिक न न्हावुं ।
                                              भागा भरम येक ही कहतां । आये बहुरि न आवुं ।
                                           आपा में जब आपा निरष्या । आपन पें आपा सूझया ।
                                          आपे कहत सुनत पुनि आपन । आपन पें आपा बुझया ।
                                              अपने परचे लागी तारी । आपन पें आप समानां ।
                                            कहै कबीर आप बिचारे । मिटि गया आवन जानां ।
एक टिप्पणी भेजें

LinkWithin

Related Posts Plugin for WordPress, Blogger...

Follow by Email